Blum фиоки: LEGRABOX или MERIVOBOX?

При изборот на мебел, прво ги забележуваме фронтовите, бојата и рачките. Но, удобноста ја чувствуваме при секое отворање на фиоката — кога го земаме приборот, ги подредуваме садовите или бараме некој секојдневен предмет.

Blum фиоки од системите LEGRABOX и MERIVOBOX нудат различни можности за дизајнот и функционалноста на Вашиот мебел. Кој систем да го изберете зависи од изгледот што го посакувате, содржината што ќе ја чувате и начинот на користење.

Во продолжение, откријте што ги издвојува и на што да обрнете внимание при изборот.

LEGRABOX: Blum фиоки со тенки и елегантни страници

LEGRABOX се препознава по металните страници со дебелина од само 12,8 mm, кои се прави од внатрешната и надворешната страна. Нивните чисти линии создаваат елегантна внатрешност што ја забележувате при секое отворање.

Ако при планирањето на мебелот Ви е важен секој визуелен детал, LEGRABOX вреди да го разгледате. Тенките страници лесно се вклопуваат во различни стилови и овозможуваат усогласен изглед на фиоките.

Системот нуди различни висини, должини, бои и изведби. Може да се користи за плитки фиоки, повисоки фиоки за поголеми предмети и внатрешни фиоки поставени зад заеднички фронт.

Разгледајте ги можностите на Blum LEGRABOX.

MERIVOBOX: препознатлив дизајн и модуларни можности

MERIVOBOX се издвојува со карактеристичната линија на страниците и модуларниот концепт. Заедничката основа овозможува различни изведби на фиоки, со усогласен начин на изработка и монтажа.

Кај повисоките фиоки можете да изберете изведба со ограда, со стаклен елемент BOXCOVER или со затворена метална страница BOXCAP. Овие можности дозволуваат изгледот да се приспособи на замислата за Вашиот мебел.

За столарите, модуларноста помага при планирањето и изработката на различни изведби. За Вас, таа значи повеќе можности за избор на внатрешноста на мебелот.

Дознајте повеќе за Blum MERIVOBOX.

Каква носивост Ви е потребна?

Пред да ги изберете Вашите Blum фиоки, размислете што ќе чувате во нив. Приборот, козметиката, тешките садови и резервните производи создаваат различно оптоварување.

LEGRABOX и MERIVOBOX нудат изведби со динамичка носивост од 40 и 70 kg, зависно од водилките и избраната конфигурација. Двата системи имаат синхронизирано движење за лесно извлекување на фиоките.

Затоа, при нарачката договорете ги димензиите и очекуваното оптоварување со столарот. За широка фиока со тешки предмети, изборот на соодветни водилки е особено важен.

Blum фиоки со рачки или отворање со допир?

Начинот на отворање треба да го испланирате заедно со изгледот на фронтовите. Дали сакате класични рачки или мебел што се отвора со допир?

Со соодветна конфигурација, и LEGRABOX и MERIVOBOX можат да се комбинираат со технологиите за движење на Blum:

BLUMOTION овозможува меко и тивко затворање.
TIP-ON BLUMOTION комбинира механичко отворање со допир и меко затворање.
SERVO-DRIVE обезбедува електрична поддршка при отворањето.

Договорете ги овие функции при изборот на оковот, за понудата да ги вклучува сите потребни компоненти.

LEGRABOX или MERIVOBOX — како да одлучите?

Пред конечната одлука, побарајте да видите примерок од двата системи. Отворете ја фиоката, погледнете ги страниците и споредете ги бојата и изведбата со материјалите што сте ги избрале за мебелот.

Побарајте и понуди за конкретни конфигурации со иста носивост, слични димензии и ист начин на отворање. Така полесно ќе ја процените цената и што добивате со секој систем.

Изберете Blum фиоки според Вашиот мебел

Добро испланираната фиока обезбедува место за потребните предмети и удобност при секојдневното користење. Изгледот, носивоста и начинот на отворање треба да се усогласат со Вашите навики уште пред изработката на мебелот.

Контактирајте не за повеќе информации за фиоките од Blum LEGRABOX и MERIVOBOX на телефонскиот број: 070 271 368, или пополнете ја контакт формата.

Оков за темен мебел: детали што ја заокружуваат целината

Темните нијанси внесуваат длабочина и елеганција во домот. Антрацитните, црните и темнокафеавите нијанси, во комбинација со дрвени детали и светли површини, создаваат пријатен и усогласен простор. За целината да биде внимателно осмислена, важен е и изборот на оков за темен мебел.

Освен што го овозможува движењето на вратите, оковот придонесува и за изгледот — особено кога мебелот е отворен. Со AVENTOS top и CLIP top BLUMOTION во onyx black, Blum нуди можност и овие детали да го следат дизајнот на темниот мебел.

Оков за темен мебел за усогласен изглед и зад фронтовите

При изборот на мебел, најмногу внимание обично им посветуваме на фронтовите, површините и рачките. Сепак, отворањето на елементите открива уште еден дел од дизајнот: внатрешноста, шарките и механизмите за подигнување.

Кај мебел со темни фронтови и корпуси, светлите компоненти можат да создадат изразен контраст. Кога и видливите делови од оковот се во соодветна темна нијанса, изгледот останува усогласен и при отворање на елементите.

Изведбата onyx black се вклопува во ваквото уредување, оставајќи ги материјалите и формата на мебелот во преден план.

AVENTOS top onyx black за горните елементи

AVENTOS од Blum е систем за подигнување на фронтовите на горните елементи. Наместо да се отвораат настрана, фронтовите се движат нагоре, овозможувајќи пристап до содржината.

Со AVENTOS top во onyx black, видливите компоненти на системот се вклопуваат во кујни со црни, антрацитни или темни дрвени површини. Така, и кога горниот елемент е отворен, деталите го следат истиот дизајнерски правец како остатокот од кујната.

При изборот на соодветен модел, покрај изгледот, треба да се земат предвид димензиите и тежината на фронтот, како и просторот потребен за неговото отворање.

Дознајте повеќе за AVENTOS top onyx black.

CLIP top BLUMOTION onyx black за вратите со шарки

За вратите што се отвораат настрана, CLIP top BLUMOTION во onyx black го продолжува истиот визуелен пристап. Темната завршна обработка на шарките се усогласува со корпусот и фронтовите, придонесувајќи за внимателно осмислен изглед и во внатрешноста на мебелот.

Покрај изгледот, овие шарки имаат вградено BLUMOTION за меко и тивко затворање. Тоа е детал што се чувствува при секое користење — кога ја затворате вратата од кујнскиот елемент, плакарот или комодата.

Со комбинирање на CLIP top BLUMOTION и AVENTOS top во onyx black, оковот останува визуелно усогласен кај различните начини на отворање.

Дознајте повеќе за CLIP top BLUMOTION onyx black тука.

Темни нијанси во комбинација со дрво и светли површини

Темниот ентериер не мора да биде целосно црн. Антрацитните фронтови во комбинација со дрво внесуваат топлина, додека светлите површини создаваат контраст и визуелна рамнотежа.

Во вакви комбинации, темниот оков може да се поврзе со рачките, славината, осветлувањето или другите црни детали во просторот. Не е потребно сите површини да бидат во иста боја — доволно е избраните елементи да имаат јасна меѓусебна врска.

AVENTOS top и CLIP top BLUMOTION во onyx black го дополнуваат овој пристап со детали што стануваат видливи при отворањето на мебелот.

Изгледот и практичноста се планираат заедно

Изборот на оков за темен мебел е најдобро да се направи уште при планирањето на мебелот. Начинот на отворање, димензиите на фронтовите и нивната секојдневна употреба влијаат врз изборот на соодветниот систем или шарка.

Разговарајте со столарот и за завршната обработка на оковот. Ако планирате темен мебел, onyx black може да биде дел од проектот од самиот почеток, заедно со материјалите, боите и останатите детали.

Заокружете го дизајнот со Blum

Внимателно избраниот оков за темен мебел ја поврзува практичноста со изгледот. AVENTOS top и CLIP top BLUMOTION во onyx black придонесуваат за усогласена целина — од надворешните површини до деталите што се откриваат при отворање.

За повеќе информации и помош при изборот на соодветен Blum оков, пополнете ја контакт формата или контактирајте нè во Yugoimpex на 070 271 368.

Blum решенија за подобро организирана спална соба

При уредување на спална соба, најчесто почнуваме од креветот, боите и изгледот на гардероберот. Но, откако ќе почнеме да ја користиме, вниманието се префрла на други детали: дали лесно ја наоѓаме облеката, дали имаме место за ситниците покрај креветот и дали фиоките и вратите се затвораат тивко.

Токму овие детали покажуваат колку добро е испланиран мебелот. Со внимателен распоред и соодветни механизми, Вашата спална соба може да биде попрегледна, попрактична и попријатна за секојдневно користење.

Гардероберот планирајте го според облеката што ја имате

Пред да го одредите внатрешниот распоред на гардероберот, размислете што ќе чувате во него. Кошулите, сакоата и фустаните бараат простор за закачување, додека за долната облека, маиците и додатоците често се попрактични фиоки.

Ако целиот гардеробер е поделен само на длабоки полици, дел од облеката лесно завршува во втор ред. За да стигнете до неа, мора да ги поместувате парчињата напред, а уредно наредените купчиња брзо се растураат.

Комбинацијата од простор за закачување, полици и фиоки овозможува распоред според Вашите навики. Облеката што ја носите најчесто нека биде лесно достапна, а горните делови наменете ги за сезонски парчиња и предмети што ги користите поретко.

Дрвени фиоки со скриени водилки TANDEM

Ако сакате изгледот на дрвото да преовладува и во внатрешноста на гардероберот, дрвените фиоки се убаво решение. Во нив можете да ги распоредите облеката и додатоците, со подобар преглед на содржината.

Blum TANDEM е систем на скриени водилки за дрвени фиоки, поставени под самата фиока. Механизмот останува дискретен, а изгледот на дрвото доаѓа до израз. Ова решение се вклопува и во класичен гардеробер и во посебен простор за гардероба поврзан со спалната соба.

MERIVOBOX со AMBIA-LINE за прегледни фиоки

Организација на облеката со MERIVOBOX и AMBIA-LINE

merivobox so ambia-line vo vashta spalna soba

Прегледно ноќно шкафче со MERIVOBOX и AMBIA-LINE

Не е доволно само да ги тргнете ситниците од површината и да ги ставите во фиока. Ако се измешани, секое барање на очилата или полначот повторно создава неред.

Фиоките MERIVOBOX со внатрешна организација AMBIA-LINE овозможуваат содржината да ја поделите во прегледни целини. Одделете ги очилата од каблите, а малите лични предмети од работите што ги користите пред спиење.

Така површината на ноќното шкафче останува слободна, а секој предмет има свое место. Истото решение може да се примени и во комода или во катче за шминкање во Вашата спална соба.

Тивкото затворање е особено добредојдено во спалната соба

Кога едниот станува рано, а другиот сè уште спие, звукот од затворањето на мебелот лесно станува забележлив. Затоа, освен изгледот на фронтовите, вреди да обрнете внимание и на начинот на кој се затвораат.

Blum BLUMOTION овозможува меко и тивко затворање кај вратите и фиоките опремени со оваа технологија. Кај гардероберите со крилни врати, шарките CLIP top BLUMOTION ја имаат функцијата интегрирана во самата шарка.

Тоа е детаљ што можеби нема прв да го забележите кога го гледате мебелот, но ќе го користите секое утро и секоја вечер.

Комодата нека има јасна намена

Дополнителна комода може да обезбеди корисен простор, но пред да ја вклучите во Вашата спална соба, одредете што ќе чувате во неа. Така полесно ќе ги изберете бројот, ширината и длабочината на фиоките.

За долна облека и додатоци, повеќе поплитки фиоки можат да бидат попрегледни од неколку многу длабоки. За постелнина и покрупни текстилни предмети, пак, потребни се поголем простор и соодветна носивост.

Ако комодата ќе служи и како катче за подготовка, планирајте ги огледалото, осветлувањето и пристапот до фиоките како една целина. Оставете доволно простор пред неа за удобно користење.

Искористете ја висината на гардероберот

Гардероберот што се протега до таванот обезбедува дополнителен простор, но горните полици често остануваат тешко достапни. Таму обично завршуваат резервната постелнина, сезонската облека и кутиите што ги користиме поретко.

При планирањето, размислете и како ќе стигнувате до нив. Дополнителниот простор е покорисен кога можете удобно да го користите.

Полесен пристап со SPACE STEP

Blum SPACE STEP е решение со извлекувачки степеник во долниот дел на мебелот, кој го олеснува досегнувањето на повисоките полици. Под степеникот може да се предвиди и дополнителен простор за складирање, со што се искористува делот кај цоклата.

Кога не се користи, степеникот се прибира во мебелот и го остава просторот пред него слободен. Во спална соба со висок гардеробер, ова е практичен начин полесно да пристапите до работите сместени на горните полици.

Во мала спална соба, проверете и како се отвора мебелот

Не е доволно гардероберот или комодата да се вклопат во предвидениот простор. Треба да остане место и за отворање на вратите, извлекување на фиоките и движење покрај креветот.

Пред изработката, побарајте од столарот да Ви го прикаже мебелот и во отворена положба. Така ќе забележите дали некоја врата удира во ноќното шкафче или дали пред фиоката има доволно место за удобно користење.

Кај мала спална соба, добро избраните димензии и распоредот често се покорисни од додавањето уште еден елемент за складирање.

Детали што вреди да ги договорите пред изработката

Покрај материјалот и бојата, разговарајте со столарот и за начинот на извлекување на фиоките, мекото затворање, потребната носивост и внатрешната организација. Овие одлуки е најдобро да се донесат додека мебелот се планира.

Добро уредена спална соба Ви овозможува лесно да го најдете, земете и вратите она што Ви треба. Од гардероберот до ноќното шкафче, секој елемент треба да одговара на Вашите навики.

Каде може да добиете подетални информации?

За сите прашања и информации околу производите на Blum и како да ги имплементирате пишете ни или побарајте нѐ на: 071 326 270

Посетете го нашиот изложбен салон кој се наоѓа Качанички пат бр. 256, Индустриска зона Визбегово, Скопје.

Оков за бања и мали детали за поголема удобност

Козметика околу мијалникот, пешкири без свое место и ситници што ги барате токму кога брзате. Дури и внимателно уредената бања може брзо да стане непрактична ако мебелот не одговара на Вашите секојдневни потреби.

Зад уредната бања стојат добро испланиран простор за чување и внимателно избран оков за бања. Со Blum фиоки, секојдневните предмети можат да бидат лесно достапни, а површините послободни.

Помалку предмети околу мијалникот

Мијалникот го користиме повеќепати во денот, па просторот околу него лесно се исполнува со кремови, четки, шминка и други производи.

Кога за нив ќе предвидите место во фиока, полесно ги земате и ги враќате по користењето. На површината остануваат само работите што сакате да Ви бидат постојано при рака, а бришењето и одржувањето стануваат поедноставни.

Пред да го нарачате мебелот, размислете кои предмети ги користите секое утро. Тие треба да го добијат најдостапното место.

Blum фиоки според Вашите потреби

LEGRABOX

MERIVOBOX

TANDEMBOX

Во бањата чуваме предмети со различни димензии — од мали додатоци и козметика до пешкири и резервни пакувања. Затоа и фиоките треба да се планираат според нивната содржина.

Blum системите за фиоки LEGRABOX, MERIVOBOX и TANDEMBOX нудат различни можности за Вашиот мебел за бања. LEGRABOX се издвојува со тенките, прави страници и елегантниот изглед, додека MERIVOBOX и TANDEMBOX овозможуваат различни изведби според потребите на проектот.

Поплитките фиоки се практични за ситници што сакате веднаш да ги забележите, а подлабоките можат да обезбедат место за пешкири и поголеми предмети.

Со соодветно избрани димензии и носивост, внатрешноста се приспособува на Вашите навики. При изборот, обрнете внимание и на движењето на фиоката — тоа е удобност што ќе ја чувствувате секој ден.

Искористете го просторот под мијалникот

Просторот под мијалникот заслужува посебно внимание при планирањето. Положбата на сифонот и водоводните приклучоци влијае врз длабочината и обликот на фиоките.

Затоа внатрешниот распоред треба да се усогласи со инсталациите уште пред изработката. Во зависност од достапниот простор, може да се предвидат фиоки со соодветен изрез или поинаква распределба на просторот за чување.

Разговарајте со столарот за тоа што сакате да чувате под мијалникот. Така полесно ќе добиете решение што е практично и при користење и при пристап до инсталациите.

SPACE TOWER: секојдневните производи одделете ги од резервите

Кремот што го користите секое утро не мора да стои меѓу резервните сапуни и неотворените пакувања. Одделувањето на секојдневните производи од залихите ја прави содржината попрегледна.

Со Blum SPACE TOWER, високиот елемент во бањата може да стане практично место за пешкири, козметика и резервни производи. Внатрешните фиоки се извлекуваат поединечно, за лесно да пристапите до она што Ви е потребно.

Една фиока можете да ја намените за лична нега, друга за пешкири, а посебен дел за резерви. Во заедничка бања, секој член од семејството може да има свое место за личните предмети.

Така полесно забележувате што имате, што треба да дополните и каде да го вратите секој производ по користењето.

SPACE STEP: полесен пристап за најмалите

Кога бањата ја користи целото семејство, висината на мијалникот не им одговара подеднакво на сите. Blum SPACE STEP овозможува скалило интегрирано во подножјето на мебелот, кое на децата може да им го олесни достигнувањето на мијалникот при миење раце и заби.

Под скалилото се отвора и дополнителен простор за складирање, кој можете да го искористите за резервни пешкири или други потребни предмети.

По користењето, скалилото се вовлекува во подножјето. Така добивате практична функција што дискретно се вклопува во изгледот на Вашиот мебел за бања.

Што да проверите при изборот на оков за бања?

При изборот на оков за бања, обрнете внимание на секојдневното користење. Проверете колку се извлекуваат фиоките, дали лесно стигнувате до задниот дел и дали носивоста одговара на предметите што ќе ги чувате.

За материјалите и обработката на мебелот побарајте решение соодветно за условите во бањата. Добро избраните механизми треба да бидат дел од внимателно изработен мебел, со заштитени рабови и правилна монтажа.

Кога овие детали се планирани од почеток, добивате мебел што е убав за гледање и пријатен за секојдневно користење.

Уредност што полесно се одржува

Бањата полесно останува уредна кога секој предмет има свое место. Земањето и враќањето на работите стануваат дел од рутината, а слободните површини придонесуваат просторот да изгледа попријатно.

Со внимателно испланиран мебел, Blum фиоки и решенија како SPACE TOWER и SPACE STEP, можете да создадете бања приспособена на Вашето секојдневие.

Планирате нов мебел за бања? Контактирајте нè во Yugoimpex на +389 2 2650 251 за повеќе информации за Blum решенијата за Вашиот проект.

Мини бар во домот, скриен простор за уживање

Омилените чаши, неколку внимателно избрани пијалаци и место каде што можете да подготвите нешто за себе или за гостите. Мини барот внесува посебна атмосфера во домот, особено кога е осмислен според Вашите навики и вкус.

Но, како да го вклопите во ентериерот без шишињата, чашите и додатоците постојано да бидат изложени?

Со добро испланиран мебел и REVEGO од Blum, мини барот може да биде достапен кога го користите, а потоа дискретно да се сокрие зад фронтови усогласени со остатокот од просторот.

Мини бар што се открива со отворањето на мебелот

Замислете висок елемент во дневната соба или трпезаријата, со едноставни линии и завршна обработка што се надоврзува на околниот мебел. Зад неговите фронтови се наоѓа мини бар со полици за чаши, простор за пијалаци и површина за послужување.

REVEGO е систем на Blum со кој вратите се отвораат и се вовлекуваат во скриени странични прегради, овозможувајќи непречен пристап до мини барот. Така, додека го користите мини барот, вратите се повлечени настрана и имате слободен пристап до внатрешноста. Кога ќе ги затворите, целата содржина останува скриена.

Оваа можност е особено привлечна во домови каде што кујната, трпезаријата и дневната соба се поврзани. Мини барот станува дел од дружењето кога Ви треба, а во останатото време се вклопува во изгледот на мебелот.

Внатрешност уредена според Вашиот вкус

Убавината на мини барот е во деталите. Топла дрвена површина, полици со омилените чаши и внимателно поставено осветлување можат да создадат пријатно катче за послужување.

За да биде и практичен, размислете што навистина ќе чувате во него. На повисоките шишиња им треба соодветна висина, на чашите лесен пристап, а на отворачите, подметнувачите и салфетките — сопствено место во фиока.

Оставете и доволно слободна површина за да поставите послужавник или да подготвите пијалак. Токму тој простор го прави мини барот удобен за користење, особено кога имате гости.

Од мини бар до катче за утринско кафе

Истиот простор може да има свое место и во утринската рутина. Со апарат за кафе, неколку шолји и фиока за лажички, кафе и додатоци, мини барот добива уште една намена.

Наутро го отворате катчето и го подготвувате омиленото кафе. Навечер, истата површина служи за послужување пијалаци и дружење.

За уште поголема практичност, Blum AMPEROS AC овозможува интегрирање електрични приклучоци во фиоки и извлечни полици, обезбедувајќи напојување за апаратот за кафе директно во мебелот.

Така, сè што Ви е потребно за омилениот утрински ритуал е на едно место — уредно организирано и лесно достапно.

AMPEROS AC: напојување таму каде што Ви треба

Кога во мини барот планирате апарат за кафе, приклучоците се дел од неговата функционалност уште од почетокот.

AMPEROS AC од Blum овозможува интегрирање електрични приклучоци во фиоки и извлечни полици. Во катче за кафе со соодветно испланирана извлечна полица, ова решение може да обезбеди напојување на апаратот директно во мебелот.

Така, покрај местото за апаратот, однапред се осмислуваат и приклучувањето и водењето на каблите. Димензиите и условите за работа на избраниот апарат треба да се земат предвид при изработката на елементот.

Мал ритуал, сопствено место во домот

Добро осмислениот мини бар носи лично обележје во ентериерот. За некого тоа е место за утринско еспресо, за друг катче за послужување гости, а често и двете.

Со внимателен избор на материјали, практичен внатрешен распоред и REVEGO од Blum, можете да создадете простор во кој ќе уживате секојдневно, со изглед што се вклопува во Вашиот дом.

Планирате мини бар или катче за кафе?

Контактирајте нè во Yugoimpex на +389 2 2650 251 за повеќе информации за Blum решенијата што можат да ја дополнат Вашата идеја.

Blum фиоки – решение за 5 чести проблеми во кујната

Фиоките се меѓу најкористените елементи во секоја кујна. Сепак, при нивното планирање често се прават грешки што подоцна го отежнуваат секојдневното користење. Недоволниот простор, ограниченото извлекување и несоодветниот механизам можат да ја намалат функционалноста дури и на најубаво дизајнираната кујна.

Со правилно избрани Blum фиоки, овие недостатоци можат да се избегнат уште во фазата на планирање.

Недоволно искористен простор

Една од најчестите грешки е изборот на фиоки што не го искористуваат целосно расположливиот простор. Несоодветната висина или длабочина може да го ограничи складирањето, особено кога станува збор за садови, тенџериња и поголеми кујнски предмети.

Со правилно димензионирање, просторот може да се приспособи на потребите на корисникот. На тој начин се добива поголем капацитет и подобра искористеност на секој кујнски елемент.

Ограничено извлекување на фиоките

Кај фиоките со делумно извлекување, предметите поставени во задниот дел тешко се гледаат и уште потешко се достигнуваат. Поради тоа, дел од просторот останува неискористен.

Целосното извлекување овозможува јасен преглед и лесен пристап до целата содржина на фиоката. Секој предмет е видлив и достапен, без непотребно пребарување и поместување.

Силно и нагло затворање

Фиоките што се затвораат нагло создаваат бучава и дополнително ги оптоваруваат механизмите и мебелот. Овој проблем е особено забележлив во кујните што секојдневно се користат.

Технологијата BLUMOTION го забавува движењето и овозможува тивко и контролирано затворање, без разлика колку силно е турната фиоката.

Blum фиоки, за функционалност и впечатлив дизајн

LEGRABOX фиоки

MERIVOBOX фиоки

TANDEMBOX фиоки

Не секоја фиока има иста намена. Фиоките за прибор, садови, тенџериња или поголеми намирници имаат различни барања. Изборот на исто решение за целата кујна може да доведе до недоволен простор и непрактично користење.

Blum нуди повеќе системи што можат да се приспособат на различни потреби и стилови. LEGRABOX се издвојува со елегантен и минималистички изглед, MERIVOBOX нуди голема флексибилност при дизајнирањето, додека TANDEMBOX претставува докажано и функционално решение за секојдневна употреба.

Непрактично отворање

Blum TIP-ON

Blum SERVO-DRIVE

Рачките понекогаш не се вклопуваат во посакуваниот дизајн, додека несоодветниот механизам може да го направи отворањето непрактично. Ова особено важи за модерните кујни со чисти линии и фронтови без рачки.

Со TIP-ON BLUMOTION, фиоката се отвора со лесен притисок на фронтот, а се затвора тивко и контролирано. Електричната поддршка SERVO-DRIVE овозможува уште полесно отворање, дури и кога фиоката е целосно наполнета.

Функционалната кујна започнува со правилно избрани фиоки

Добро испланираните фиоки овозможуваат повеќе простор, лесен пристап и поголема удобност при секојдневното користење. Со соодветни Blum фиоки, системи и механизми, секој дел од кујната може да биде практичен, функционален и приспособен на потребите на корисникот.

Yugoimpex, како генерален дистрибутер на Blum во Македонија, нуди професионална поддршка при изборот на соодветни решенија за Вашиот мебел.

За подетални информации, контактирајте нè на: 070 271 368.

Како да препознаете квалитетен оков за мебел?

Кога избирате мебел, најчесто прво ги забележувате дизајнот, бојата и материјалите. Сепак, начинот на кој мебелот ќе функционира секој ден во голема мера зависи од неговите механизми.

Квалитетниот оков за мебел овозможува лесно отворање, контролирано затворање и сигурно функционирање дури и по долгогодишна употреба. Но, како да направите разлика помеѓу квалитетно и краткотрајно решение?

Кои карактеристики го издвојуваат квалитетниот оков за мебел?

Квалитетот не се препознава само според изгледот или цената. Постојат неколку карактеристики што покажуваат дали избраниот механизам ќе овозможи сигурно и непречено користење на мебелот.

Лесно и рамномерно движење благодарение на Blum оков

MOVENTO од Blum

MERIVOBOX од Blum

LEGRABOX од Blum

Еден од првите показатели за квалитет е начинот на кој се движат вратите, фиоките и извлекувачките елементи. Движењето треба да биде рамномерно, без заглавување, тресење или потреба од употреба на поголема сила.

Кај фиоките, квалитетните водилки овозможуваат стабилно движење и кога тие се целосно наполнети. Системите како MOVENTO, MERIVOBOX и LEGRABOX обезбедуваат лесно отворање и висок квалитет на движењето при секојдневна употреба.

Контролирано и меко затворање

Вратите и фиоките што се затвораат со удар не создаваат само непотребна бучава, туку дополнително ги оптоваруваат мебелот и механизмите. Затоа, при изборот на оков за мебел, проверете дали располага со систем за контролирано затворање.

Технологијата BLUMOTION го забавува движењето и овозможува меко и лесно затворање, без разлика со колкава сила е турната фиоката или вратата. На тој начин се подобрува секојдневното користење и се намалува оптоварувањето на мебелот.

Прецизно приспособување

Нееднаквите растојанија меѓу вратите и фиоките често не се само естетски проблем. Тие може да бидат знак дека механизмите немаат доволно можности за приспособување или дека не се правилно монтирани.

Квалитетниот оков за мебел овозможува прецизно регулирање на положбата на фронтовите. Со правилно приспособување, сите елементи се израмнети, се движат правилно и го задржуваат уредниот изглед на мебелот.

Проверена издржливост

Изгледот на механизмот не е доволен показател за неговиот квалитет. Важно е производителот да спроведува тестирања на движењето, носивоста и издржливоста при интензивна употреба.

Blum ги тестира своите шарки низ 200.000 циклуси на отворање и затворање, а системите за подигнување, фиоките и извлекувачките механизми ги подложува на различни тестови на движење и оптоварување. Целта е механизмите да ја задржат својата функционалност во текот на животниот век на мебелот.

Оков приспособен на намената

Подигачки системи AVENTOS од Blum

TIP-ON од Blum

SERVO-DRIVE од Blum

Едно решение не одговара за секој вид мебел. Висечките кујнски елементи, длабоките фиоки, плакарите и мебелот во дневната соба имаат различни барања.

За висечките елементи може да се користат системите за подигнување AVENTOS, кои овозможуваат лесен пристап до содржината и слободен простор за движење. За мебел без рачки може да се изберат TIP-ON, TIP-ON BLUMOTION или електричниот систем SERVO-DRIVE.

Важно е механизмот да биде избран според конкретната примена, а не само според неговиот изглед или цена.

Стручен совет и сигурно потекло

При купувањето проверете ги производителот, техничките карактеристики и потеклото на производот. Квалитетниот оков има јасни информации за својата намена, носивост, начин на монтажа и можности за приспособување.

Стручниот совет е особено важен кога се комбинираат повеќе механизми или се изработува мебел по мерка. Правилниот избор и монтажа се неопходни за производот да ја постигне очекуваната функционалност.

Квалитетен оков за мебел како долгорочна инвестиција

Разликата меѓу просечен и квалитетен оков најдобро се забележува при секојдневното користење. Лесното движење, мекото затворање, стабилноста и можноста за прецизно приспособување придонесуваат мебелот да функционира сигурно и по повеќегодишна употреба.

Како генерален дистрибутер на Blum, Yugoimpex нуди широка палета оригинален оков за мебел, како и стручна поддршка при изборот на соодветно решение. Изберете механизми што одговараат на Вашиот мебел и побарајте понуда за Blum оков во Yugoimpex.

Што ја прави Вашата дневна соба навистина функционална?

Дневната соба е местото каде што поминуваме голем дел од денот.

Тука одмораме, гледаме телевизија, разговараме со семејството, ги пречекуваме гостите, а понекогаш и работиме. Затоа при нејзиното уредување не е доволно да размислуваме само за боите, материјалите и изгледот на мебелот.

Вистинската удобност се забележува во начинот на кој го користиме просторот секој ден. Во тоа колку лесно се отвораат фиоките, каде ги чуваме уредите и каблите и дали сè што ни е потребно има свое место.

Токму тука квалитетниот оков може да направи голема разлика.

Дневна соба што се менува според Вашите потреби

Современата дневна соба сè почесто има повеќе намени. Таа е место за одмор и дружење, но понекогаш служи и како домашна канцеларија или простор за други секојдневни активности.

Со системот REVEGO, цели делови од мебелот можат да бидат скриени зад големи фронтови кога не се користат. При отворање, фронтовите целосно се повлекуваат во тесен страничен елемент и овозможуваат слободен пристап до внатрешноста.

На овој начин, работното катче, просторот за телевизор или елементите за складирање може да бидат достапни кога Ви се потребни, а потоа повторно скриени за дневната соба да изгледа уредно и хармонично.

REVEGO овозможува истиот простор лесно да се приспособи на различни активности, без притоа да се наруши целокупниот изглед на мебелот.

Тивкото затворање се забележува секој ден

Во секоја дневна соба, удобноста не зависи само од тоа како изгледа мебелот, туку и од тоа како се движи.

Фиока што удира при затворање или вратичка што треба внимателно да ја придржувате брзо станува дел од секојдневието. Можеби на почетокот не Ви пречи, но по илјадници отворања и затворања разликата станува очигледна.

CLIP top BLUMOTION овозможува вратите да се затвораат меко и тивко, без оглед на брзината со која се движат. Тоа е мал детаљ кој создава чувство на квалитет при секое користење на мебелот.

Добриот оков најчесто не го забележуваме затоа што едноставно ја извршува својата функција.

Скриено напојување без видливи кабли

Телевизори, звучници, светилки, полначи, гејминг-конзоли и други електронски уреди се неизбежен дел од современата дневна соба.

Сепак, каблите и продолжните приклучоци лесно можат да го нарушат уредниот изглед на просторот.

AMPEROS AC овозможува електричното напојување да биде интегрирано директно во фиока или полица на извлекување. Приклучокот останува скриен во мебелот, а уредите можат да се користат или полнат токму таму каде што се чуваат.

На тој начин полначите, таблетите, телефоните и другите уреди не мора постојано да стојат на видливо место. Просторот останува уреден, а напојувањето е достапно кога ќе Ви биде потребно.

Фиоките можат да бидат дел од дизајнот

LEGRABOX фиоки

MOVENTO водилици

Фиоките во дневната соба не служат само за складирање.

Тие се дел од целокупниот изглед на ТВ-комодата, витрината или нискиот елемент. Затоа е важно да бидат стабилни, лесно да се движат и да овозможат добар пристап до содржината.

Со LEGRABOX може да се создадат елегантни фиоки со тенки страници и прецизно движење. За мебел со дрвени фиоки, MOVENTO овозможува целосно извлекување и лесен пристап до предметите сместени и во задниот дел.

Така, далечинските управувачи, каблите, документите, друштвените игри и другите предмети може да бидат организирани и секогаш достапни.

Повеќе функции во истиот простор

Денес скоро секоја дневна соба има повеќе намени.

Во еден момент е простор за одмор, а во друг станува работно катче, место за учење или простор за дружење. Токму затоа мебелот треба да може да се приспособи на различни потреби.

Добро испланираните фиоки, извлечни полици и скриени приклучоци овозможуваат работните уреди брзо да се тргнат кога повеќе не се потребни. Наместо лаптопот, полначот и документите да останат на масата, сè може да се смести во елементот предвиден за тоа.

На овој начин дневната соба лесно се менува според Вашето секојдневие, без просторот да изгледа неуредно.

Удобноста се крие зад фронтовите

Кога избирате мебел за дневна соба, најпрво ги забележувате дизајнот, бојата и материјалите.

Но, вистинскиот квалитет се чувствува подоцна – при секое отворање на фиоката, секое затворање на вратата и секое користење на просторот.

Со внимателно избран оков, мебелот не само што изгледа подобро, туку станува полесен, потивок и попрактичен за користење.

Затоа, кога ја планирате Вашата дневна соба, размислете и за она што не се гледа веднаш. Токму тие скриени решенија ја создаваат удобноста што ќе ја чувствувате секој ден.

За повеќе информации за Blum оковот и решенијата за функционална и современа дневна соба, контактирајте го тимот на Yugoimpex на: +389 2 2650 251

Нашиот тим ќе Ви помогне да го пронајдете соодветното решение за Вашиот проект.

5 совети за уредување на кујна со Blum

Уредувањето на кујна започнува со паметни решенија

При уредување на кујна, најголемо внимание најчесто се посветува на изгледот, боите и материјалите. Сепак, функционалноста е она што прави вистинска разлика во секојдневната употреба. Добро испланираната кујна треба да овозможи доволно простор за складирање, лесен пристап до сите елементи, удобност при користење и долготрајност.

Во продолжение издвојуваме пет практични совети кои ќе Ви помогнат да создадете кујна што ќе биде удобна за користење денес, но и по многу години.

1. Искористете го секој сантиметар за складирање

Без разлика дали имате голема или помала кујна, добро организираниот простор секогаш прави разлика.

Наместо класична остава со полици, модерните решенија овозможуваат подобра организација и многу полесен пристап до намирниците.

Одличен пример е SPACE TOWER, кој користи целосно извлекувачки фиоки. Благодарение на нив, секој производ е лесно достапен, без потреба од пребарување во длабочината на елементот.

Подеднакво практично решение е SPACE TWIN, кој овозможува искористување и на најтесните простори. Во него удобно се складираат зачини, масла, шишиња, даски за сечење и други кујнски додатоци, претворајќи го секој сантиметар во корисен простор.

2. Искористете ги горните кујнски елементи поефикасно

Горните елементи нудат голем потенцијал за складирање, но нивното користење треба да биде практично и безбедно.

Со AVENTOS подигнувачките механизми од Blum, фронтовите се отвораат нагоре, оставајќи слободен пристап до внатрешноста на елементот. Ова е особено практично кога две лица истовремено работат во кујната или кога шкафот останува отворен подолг период.

Во зависност од дизајнот и димензиите на елементите, достапни се различни решенија како AVENTOS HF, AVENTOS HL top, AVENTOS HK-XS и AVENTOS HKi, кои овозможуваат оптимално искористување на просторот и високо ниво на удобност.

3. Изберете фиоки што овозможуваат целосен пристап

Една од најголемите грешки при уредување на кујна е користењето на класични фиоки со ограничено извлекување.

Современите системи како LEGRABOX овозможуваат целосно извлекување на фиоката, што значи дека целата содржина е лесно достапна.

Покрај практичноста, овие системи се одликуваат со висока стабилност, тивко работење и модерен дизајн, што ги прави одличен избор за секоја современа кујна.

4. Додадете повеќе удобност и безбедност

5. Малите детали често прават најголема разлика

Со SERVO-DRIVE, фиоките и кантите за отпад се отвораат со лесен допир, без употреба на рачки. Ова е особено практично кога рацете Ви се зафатени при подготовка на храната.

Доколку сакате подобро да го искористите просторот под кујнските елементи, SPACE STEP нуди паметно решение. Интегрираното скалило овозможува безбедно достигнување до високите шкафови, а истовремено крие дополнителен простор за складирање.

5. Инвестирајте во квалитет што ќе трае со години

Кујната е просторија што се користи секој ден, па затоа квалитетот на мебелскиот оков има огромно значење.

Шарките CLIP top BLUMOTION обезбедуваат меко и тивко затворање, без силно удирање на вратичките. Покрај тоа што придонесуваат за поголема удобност, тие го продолжуваат работниот век на мебелот.

Blum ги тестира своите системи на 200.000 циклуси на отворање и затворање, што претставува гаранција за долготрајна сигурност и беспрекорно функционирање.

Добро уредување на кујна значи подобро секојдневие

Успешното уредување на кујна не се сведува само на избор на убав дизајн. Вистинската вредност лежи во решенијата што овозможуваат подобра организација, максимално искористување на просторот, удобност при користење и долготрајна функционалност.

Со системите SPACE TOWER, SPACE TWIN, AVENTOS, LEGRABOX, SERVO-DRIVE, SPACE STEP и CLIP top BLUMOTION, можете да создадете кујна што ќе ги задоволи Вашите потреби денес, но и во иднина.

Во Yugoimpex, како генерален застапник на Blum оков во Македонија, Ви помагаме да ги изберете вистинските решенија за секој проект.

Контактирајте го нашиот тим на бројот: 070 271 368 и дознајте како квалитетниот мебелски оков може да ја направи Вашата кујна пофункционална, поорганизирана и поудобна за секојдневна употреба.

Кујнски остров: функционален центар на современата кујна

Современата кујна повеќе не е само простор за подготовка на храна. Таа е место за дружење, споделување семејни моменти и извршување многубројни секојдневни активности. Токму затоа, кујнскиот остров станува сè почест избор при уредувањето на модерните домови.

Освен што создава впечатлив изглед, добро испланираниот кујнски остров обезбедува дополнителна работна површина, повеќе простор за складирање и подобра организација. Сепак, за целосно да се искористи неговиот потенцијал, потребни се квалитетни механизми и практични внатрешни решенија.

Зошто да изберете кујнски остров?

Кујнскиот остров може да има различна намена во зависност од големината и распоредот на просторијата. Може да служи како работна површина, простор за подготовка на храна, дополнителен елемент за складирање или место за брз појадок и дружење.

Во него може да бидат вградени мијалник, плоча за готвење, фиоки, корпи за отпад или мали кујнски апарати. Поради тоа, неговото планирање треба да започне со јасно утврдување на потребите на корисниците.

Добро организираниот кујнски остров овозможува сè што е потребно да биде лесно достапно, без непотребно движење низ кујната.

Повеќе простор со фиоките MERIVOBOX

Големите и длабоки фиоки се едно од најпрактичните решенија за секој кујнски остров. Тие овозможуваат прегледно складирање на тенџериња, тави, садови, прибор и различни кујнски додатоци.

Системот MERIVOBOX од Blum се одликува со стабилност, современ дизајн и лесно движење, дури и кога фиоката е целосно оптоварена. Различните можности за конфигурација овозможуваат системот да се приспособи на димензиите и стилот на кујната.

За елегантен и минималистички изглед може да се избере и системот LEGRABOX, кој се истакнува со тенки страници и префинета форма.

Кујнски остров без рачки со TIP-ON BLUMOTION

Фронтовите без рачки создаваат чисти линии и овозможуваат кујнскиот остров хармонично да се вклопи во современиот ентериер.

Со TIP-ON BLUMOTION, фиоките се отвораат со едноставно притискање на фронтот. Истовремено, технологијата BLUMOTION овозможува меко и тивко затворање, без разлика со колкава сила е придвижена фиоката.

За уште поголема удобност може да се примени електричниот систем SERVO-DRIVE. Краток допир е доволен за фиоката лесно да се отвори, што е особено практично кога рацете се зафатени или влажни.

Подобра организација со AMBIA-LINE

Големата фиока обезбедува многу простор, но без соодветна внатрешна организација лесно може да стане непрегледна.

Системот AMBIA-LINE е дизајниран за организирање на фиоките LEGRABOX и MERIVOBOX. Флексибилните рамки и прегради овозможуваат секој предмет да добие свое место. На тој начин, приборот, садовите и кујнските додатоци остануваат стабилни и лесно достапни.

За фиоките со системот TANDEMBOX може да се користи ORGA-LINE, кој нуди практични решенија за организација на различни кујнски предмети.

Како да се искористи просторот под мијалникот?

Кога мијалникот е поставен во кујнскиот остров, сифонот и водоводните инсталации често го ограничуваат просторот под него. Сепак, и овој дел може да се искористи со правилно испланирано решение.

U-shaped pull-out од Blum ја обиколува конструкцијата на мијалникот и создава дополнителен простор за складирање. Во него може да се чуваат сунѓери, крпи, средства за чистење и други предмети кои треба да бидат секогаш при рака.

Под оваа фиока може да се постави уште една длабока извлекувачка фиока за корпи за отпад и други поголеми производи.

Квалитет што се чувствува при секое користење

Кујнскиот остров е еден од најкористените елементи во современата кујна. Неговите фиоки се отвораат и затвораат повеќепати во текот на денот, поради што квалитетот на механизмите има големо влијание врз секојдневната удобност.

Решенијата од Blum обезбедуваат стабилно движење, тивко затворање и практично користење на достапниот простор. Со правилен избор на механизми, кујнскиот остров станува функционален центар кој истовремено придонесува за подобра организација и современ изглед на домот.

Доколку планирате нов кујнски остров или сакате да ја подобрите функционалноста на постојниот, контактирајте го тимот на Yugoimpex. Ќе Ви помогнеме да ги изберете соодветните Blum решенија според просторот, дизајнот и Вашите секојдневни потреби.